Mazkur hashar doirasida texnikum hududini yanada obod va ko‘rkam qilish maqsadida atrof-muhitni tozalash, hovli va yo‘laklarni tartibga keltirish, daraxtlarga ishlov berish, yangi ko‘chatlar ekish hamda gulzorlarni parvarishlash ishlari tashkil etilmoqda. Shuningdek, jamoat joylari, o‘quv binolari atrofi va dam olish hududlarini obodonlashtirishga alohida e’tibor qaratilmoqda.
Ushbu xayrli tadbirda texnikum pedagoglari, xodimlari va o‘quvchilari faol ishtirok etib, bir maqsad yo‘lida jipslashgan holda mehnat qilmoqdalar. Bunday tadbirlar nafaqat hududlarni obod qilish, balki jamoada hamjihatlik, mehnatsevarlik va ekologik madaniyatni yanada mustahkamlashga xizmat qiladi.